Afaka mifaly isika malagasy fa dia voalohany tokoa ny firenena amin'ny fanomezana safidy ho an'ireo  mpampiasa ny finday ao amin'ny Telma. Karatra azo fahanana amin'ny telefaonina an-trano na finday na aterineto no mampiavaka azy. Ny fiaraha-miasan'ny injeniera malagasy ao amin'ny Telma sy ny orinasa iraisam-pirenena Ericsson no nahatontosàna izany zava-dehibe sady sarotra izany. Azo lazaina fa dia manan-tsafidy tokoa ny mpividy karatra famahanana satria manomboka 2000 Ariary no mora indrindra ary 100 000 Ariary no lafo indrindra.

Azo antenaina tokoa ve fa hampitombo ny fampiasana ny aterineto ity zava-baovao ity, sa mbola mila fotoana ny finiavana ny hitsidika ny tranokala, na dia finday aza dia ahafahana manao izany fa tsy ny ordinatera fotsiny intsony ?

Ny finday rehetra azo itsidihana tranokala dia azo ampiasaina, ho an'ireo manana itony atao hoe "smartphone" itony dia mety haingana kokoa sady ho mora kokoa ny fampiasa azy satria ireo smartphone dia novokarina manokana mba hampiasana izany.